مصر بين الماضي والحاضر

 

الكلام ده مش هيعجب ناس.. الحقيقة مرة..

مصر ما بين الزراعة والصناعة والانتاج والتصدير والاستيراد

مصر ما بين الماضي والحاضر والمستقبل..

مصر زمان كانت دولة زراعية صناعية عندها اكتفاء ذاتي وكانت تصدر سلع ومنتجات وعلماء وخبراء للعرب وأفريقيا والعالم..

 كانت تصدر القمح والقطن..برغم زيادة عدد سكانها على مر التاريخ مقارنة بدول أخرى يعني المشكلة مش زيادة السكان

مصر بها موارد كتيرة وخير واللي يلف مصر كويس هيعرف

مصر كان بها قلاع صناعية..

المحلة الكبرى وما حولها صناعة غزل ونسيج ومفروشات وبطاطين وفوط وكمان تصدير

شبرا الخيمة آلاف من مصانع الغزل والنسيج

مصانع البلاستيك ومصانع الزجاج..

ميت غمر قلعة صناعة الالمونيوم والأدوات المنزليةوالحدايد

دمياط وما أدرك ما دمياط..

باب الشعرية والدرب الأحمر وصناعة الأحذية والشنط

القاهرة والاسكندرية والدقهلية والصناعات الصغيرة

ده غير المناطق الصناعية الجديدة

العاشر واكتوبر وبورسعيد والعامرية والاسماعيلية والسويس وبرج العرب والسادات ومايو وحلوان وبني سويف ونجع حمادي ومصانع السكر بالمنيا وقنا..

مصر بها نهر النيل طوله 1500 كيلو بحر أحمر طوله 1500 كيلو بحر متوسط 1000 كيلو آلاف الكيلو متر من الترع الكبيرة والصغيرة بحيرات المنزلة والبردويل وادكو والبرلس

ومريوط وناصر

مصر بها 8 مليون فدان زراعة والاف من مزارع الدواجن

مصر بها قوة بشرية 120 مليون فيهم كثير من العلماء والعباقرة والعمال المهرة..

ماذا حدث..

المصلحة الشخصية تغلبت على المصلحة العامة

الرفاهية الزائدة تغلبت على البساطة والتواضع..

حب النفس والشهوة والمزاج تغلبت..

البعد عن الدين الحقيقي والوطنية الحقيقية وتغلبت الشعارات والمظاهر وادعاء الدين والوطنية..

الفلاح بداء يبور ويهجر الأرض وعارف أن فيه مشاكل بس مش مبرر..

ناس قفلت ورش وراحت علي الصين..

أصبحنا نستورد كل شئ بدون ضمير وبعد القلاع الصناعية أصبح قلاع استيرادية..

حمام التلات وميت الخولى عبدالله وابوالنمرس أدوات منزلية

الفحامين وباب الشعرية وغيرهم كوتشي وشنط

القاهرة بورسعيد اسكندرية المنصورة وغيرهم استيراد من كل دول العالم

مصر أكبر منتج للتوم بتستورد توم من الصين

مصر أكبر منتج للتمور بتستورد تمر من السعودية

مصر بها مسطحات مائية كبيرة واساطيل صيد في دمياط وكفر الشيخ والسويس بتستورد كابوريا من اليمن وجمبري من السعودية والإمارات..

مصر بتستورد لحوم من البرازيل والسودان وغيره..

مصر بتستورد دواجن من البرازيل واوكرانيا وغيره..

مصر بتستورد تفاح من سوريا والاردن وبولندا وإيطاليا..

مصر بتستورد موز وفاكهة من دول آسيوية..

مصر بتستورد صابون من الإمارات وادوات منزلية وكهربائية وأدوات صحية من تركيا.. 

أصبحنا نستورد كل شئ من أي بلد..

عارف أمتي مفيش مشكلة في الأستيراد لما تكون بتصدر بنفس القدر لكن أنت عندك خلل رهيب في الميزان التجاري.. 

حتى المناطق الصناعية أغلبها يملكها أجانب..

كارفور وكازيون إمارات..

بيم ماركت تركي..

العثيم والفرجاني والبتنحاني سعودي..

وغيره وغيره..

حتى فودافون واورانج واتصالات غير مصريين

بيبيعوا الهوا في ازايز أقصد في موبايلات..

اكذوبة التوكيلات والبراندات..

سحب تريليونات تبني دول من مصر وللأسف الشديد بمزاج وجهل المصريين!!!

نعيب على رجال الأعمال وأصحاب رؤوس الأموال تراخيهم وعدم دعمهم صغار المصنعين والحرف .. 

الكلام كتير جدآ وصعب ومر..

الخلاصة أصحى تاني يا مصري وبلاش تكاسل وحب بلدك قبل نفسك أشتغل وشغل أبن بلدك واصرف الجنيه صح

والله هتبقى سيد العالم..

أصحى وفوق وشوف واسأل العالم حواليك ماشي أذاي؟

الوضع صعب جدآ في العالم كله وفيه حروب اقتصادية أصعب من حروب الأسلحة..

ازرع أنتج صدر.. لا تستورد إلا غير المتوفر ببلدك..

اللهم بلغت اللهم فاشهد.